ပဲခူးတိုင်းဒေသကြီး တောင်ငူခရိုင်ဖြူးမြို့နယ်ရှိ နွေစပါးစိုက်ပျိုးနိုင်ရေး ဖြူးချောင်းရေလှောင်တမံမှ ရေပေးဝေလျက်ရှိပါသည်။

ဖြူးမြို့နယ်အတွင်း ၂၀၂၅  ခုနှစ် နွေစပါးစိုက်ပျိုးနိုင်ရေး ၁၇၃၈၉ ဧက စိုက်ပျိုးရန်လျာထားပြီး ဆည်ရေဖြင့် ၁၄၁၄၉ ဧက၊ အင်းအိုင်ရေဖြင့် ၄၀၉ ဧက၊ ချောင်းပိတ်ရေဖြင့် ၂၈၃၁ ဧက စိုက်ပျိုးနိုင်ရေး လျာထားပြီး နွေစပါးလျာထားမှုဧက ပြည့်မီရေး ဆောင်ရွက်လျက်ရှိပါသည်။

နွေစပါးစိုက်ပျိုးနိုင်ရေး ရေပေးဝေလျက်ရှိသော ဖြူးချောင်းရေလှောင်တမံသည် ရန်ကုန်-မန္တလေးအမြန်လမ်း မိုင်တိုင် ၁၁၅ မိုင် လမ်းမကြီးအနောက်ဘက်တွင် တည်ရှိပြီး ၈-၁-၂၀၁၅ ရက်နေ့တွင် ဖွင့်လှစ်ကာ ရေသောက်ဧရိယာဧက ၉၀၀၀၀ အနက် ယခုနှစ် နွေစပါးစိုက်တောင်သူ လယ်သမားများ အချိန်မီထွန်ယက်စိုက်ပျိုးနိုင်ရေး ဇန်နဝါရီ ၁ ရက်မှ စတင်ကာရေပေးဝေခဲ့ပါသည်။