စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဒုတိယဝန်ကြီး ဦးဗိုလ်ဗိုလ်ကျော် သည် တာဝန်ရှိသူများနှင့်အတူ ယမန်နေ့နံနက်ပိုင်းက ဧရာဝတီတိုင်းဒေသကြီး မအူပင်ခရိုင် ညောင်တုန်း မြို့နယ် မိုးမခကျေးရွာရှိ ပန်းလှိုင်ရေထိန်းတံခါးနှင့် ပန်းလှိုင်မြစ် ရေစီးရေလာမှု အခြေအနေကို သွားရောက်ကြည့်ရှုစစ်ဆေးခဲ့ပါသည်။
    ကြည့်ရှုစစ်ဆေးစဉ် ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာနမှ တာဝန်ရှိသူ များက မိုးရာသီ၌ ပန်းလှိုင်မြစ်ရေဝင်ရောက်မှု၊ စိုက်ပျိုးမြေများကို ရေကြီးနစ်မြုပ်မှုမှ ကာကွယ်ပေး လျက် ရှိသည့် ပန်းလှိုင်ရေထိန်းတံခါးအခြေအနေ၊ နှစ်စဉ် နွေစပါး ၆၀၁၉ ဧကနှင့် အခြားသီးနှံ ၁၆၄၂ ဧကတို့အား စိုက်ပျိုးရေပေးဝေ အကျိုးပြုလျက်ရှိမှု၊ နွေစပါး ရေရရှိစေရန်နှင့် မြစ်ရေပြန်ကျချိန်တွင် ကွင်းရေပြန်ထုတ်ရန် လုပ်ငန်းဆောင်ရွက်မှုအခြေအနေတို့ကို ရှင်းလင်းတင်ပြရာ ဒုတိယဝန်ကြီးက မူလသတ်မှတ်သည့် လျာထားဧကပြည့်မီအောင် စိုက်ပျိုးနိုင်ရေး၊ ရေသောက်ဧရိယာအတွင်း နွေ စပါး သီးနှံ ပန်းတိုင်အထွက်နှုန်းရရှိရန် စိုက်ပျိုးရေ လုံလောက်စွာပေးဝေနိုင်ရေး၊ မိုးတွင်းကာလ ရေဘေး ကာကွယ်ရေးတာများ ကြိုတင်ပြင်ဆင်သကဲ့သို့ ရေတံခါးများ ကြံ့ခိုင်လုံခြုံမှုရှိစေရေး ပြင် ဆင်ကြရန် လိုအပ်ချက်များကို ဆွေးနွေးမှာကြားခဲ့ပါသည်။
    ထို့နောက် ဒုတိယဝန်ကြီးနှင့်အဖွဲ့သည် ဧရာဝတီတိုင်းဒေသကြီးအတွင်း မြစ်ရေများ မြင့်တက်လာမှုအခြေအနေအရ ရေဘေးကာကွယ်ရေးတာများ၏ ကြံ့ခိုင်မှုနှင့် ရေဘေးကာကွယ်ထားရှိမှု အ ခြေအနေကို ကွင်းဆင်းကြည့်ရှုစစ်ဆေးရာတွင် ညောင်တုန်းမြို့နယ် ချောင်းကြီး၊ ဂန်ချောင်း ရေကင်းစခန်း တာမိုင် ၁၂ မိုင် ၄ ဖာလုံ၊ စက္ကော့ဒေသ ကြိမ်ပင်ဆည် ရေကင်းစခန်း တာမိုင် ၆၇ မိုင် ၄ ဖာလုံ၊ ဓနုဖြူမြို့ အမှတ် ၄ ရပ်ကွက် ကမ်းနားလမ်းရှိ ဧရာဝတီဆိပ်ကမ်း မြစ်ရေမြင့်တက်မှုအခြေအနေ၊ ဇလွန်မြို့နယ် ကမ်းရင်းတာ တာမိုင် ၂၅ မိုင် ၂ ဖာလုံ (ဆန်တန်း) ရေကင်းစခန်းနှင့် တာတ မံအခြေ အနေ၊ ဒေါင့်ကြီးကျေးရွာ ရေကင်းအမှတ်(၁) တာမိုင် ၂၁ မိုင်တို့ကို လှည့်လည်ကြည့်ရှုစစ်ဆေးသည်။
    ကြည့်ရှုစစ်ဆေးစဉ် ဒုတိယဝန်ကြီးက တာတမံကြံ့ခိုင်မှုအခြေအနေကို အချိန်လှည့် ဇယားများဖြင့် နေ့ညမပျက် လှည့်လည်ကြည့်ရှုစစ်ဆေးရန်၊ ရေဘေးကာကွယ်ရေးတာများတွင် ရေပေါက်၊ ထူး ပေါက်များဖြစ်ခြင်း၊ တာအိတာလျှောဖြစ်ခြင်းများနှင့် ရေစိမ့်ထွက်ခြင်းတို့ကို စစ်ဆေး တွေ့ရှိပါက အချိန်နှင့်တစ်ပြေးညီ ကြိုတင်ကာကွယ်မှုများ ဆောင်ရွက်ရန်၊ လုပ်ငန်းခွင် ဘေးကင်းလုံခြုံရေး နှင့် ကျန်းမာရေးအထူးဂရုစိုက်ကြရန်၊ ထူးခြားဖြစ်စဉ်များ ဖြစ်ပေါ်လာပါက ဆောလျင်စွာ သိရှိနိုင် ရန်နှင့် ဆောလျင်စွာ ကြိုတင်ကာကွယ်မှုများ ပြုလုပ်နိုင်ရေး ဒေသဆိုင်ရာ အုပ်ချုပ်ရေး အဖွဲ့အစည်းများ မှတစ်ဆင့် ပြည်သူများသို့ ဆက်သွယ်အသိပေးသွားကြရန်၊ ရေဘေးကာကွယ်ရေးလုပ်ငန်းစဉ်များ အတိုင်း လုပ်ထုံးလုပ်နည်းနှင့်အညီ ဆောင်ရွက်သွားကြရန် ဆွေးနွေးမှာကြားပြီး တာတမံ ဘေးကင်း လုံခြုံရေး ဆောင်ရွက်နေကြသည့် တာတမံဝန်ထမ်းများ၊ တာတမံလုပ်သားများကို ထောက်ပံ့ပစ္စည်းများ ပေးအပ်ခဲ့ပါသည်။
    ထို့ပြင် ဟင်္သာတမြို့နယ်၊ ဖောင်ဆိပ်ကျေးရွာအနီး ဖြတ်တာ(၁-ဂ)နှင့် အသစ်တည် ဆောက်ထားသော ဖြတ်တာ(၁-င) တာထိန်းသိမ်းဆောင်ရွက်နေမှုအခြေအနေကို သွားရောက်ကြည့်ရှု စစ် ဆေးပြီး ဦးစားပေးအပိုင်းလိုက် လိုအပ်သည်များ ကြိုတင်စီမံဆောင်ရွက်နိုင်ရေးနှင့် လုပ်ငန်းဆိုင်ရာ လိုအပ်ချက်များကို မှာကြားခဲ့ပါသည်။